உலகம் உடல் பருமனுக்கு காரணமான ஜீன் கண்டுபிடிப்பு!

உடல் பருமனுக்கு காரணமான ஜீன் கண்டுபிடிப்பு!

பதிவர்: நிர்வாகி, வகை: உலகம்  
படம்

ஆக.12, 2015:- உடல் பருமனுக்கான மரபணுவை, விஞ்ஞானிகள் கண்டறிந்து சாதனை படைத்துள்ளனர். இந்த ஜீனுக்கு '14-3-3 ஜீட்டா' என பெயரிடப்பட்டுள்ளது.

உடல் பருமன் நோயால், உலகம் முழுவதும் பல்லாயிரக்கணக்கான மக்கள் அவதிப்பட்டு வருகின்றனர். உடல்பருமனுக்கான ஜீன் குறித்து ஆராய்ச்சி மேற்கொண்ட கனடாவிலுள்ள பிரிட்டிஷ் கொலம்பியா பல்கலை., விஞ்ஞானிகள், கொழுப்பை சேகரித்து உடல் பருமனை அதிகரிக்கும் ஜீனை கண்டுபிடித்துள்ளனர். இதற்கு '14-3-3 ஜீட்டா' என பெயரிடப்பட்டுள்ளது.


எலிகளின் மீது விஞ்ஞானிகள் நடத்திய சோதனையில், '14-3-3 ஜீட்டா' ஜீனை கட்டுப்படுத்துவதன் மூலம், 50 சதவீத வௌ்ளை கொழுப்பு அளவு குறைவதை கண்டறிந்தனர். இந்த கொழுப்பு, உடல்பருமன், இதய நோய், நீரிழிவு போன்றவற்றுடன் தொடர்புடையது. இச்சோதனையை, அதிக உடல் எடை கொண்ட எலிகளின் மீது நடத்திய போது 22 சதவீத கொழுப்பு குறைந்துள்ளது.


இச்சோதனையின் மூலம், இந்த குறிப்பிட்ட ஜீனை முடக்குவதால் உடல் பருமனை கட்டுப்படுத்தலாம் என விஞ்ஞானிகள் நம்பிக்கை தெரிவித்துள்ளனர்.

உங்களது கருத்துக்கள் உரிய முறையில் தணிக்கை செய்யப்பட்டே வெளியி‌டப்படுகின்றன!
தமிழ் / ஆங்கிலத்தில் எழுத இங்கே சொடுக்கவும் [CTRL+G]யை சொடுக்கியும் மாற்றி கொள்ளலாம்
CAPTCHA code
இந்த படத்தில் உள்ள எழுத்துக்களை உள்ளீடவும்